As mulleres non son de porcelana

Documental histórico-social con enfoque feminista, en fase de preprodución, que relata como se organizaron as traballadoras de dúas factorías do GRUPO DE EMPRESAS ÁLVAREZ para loitar polos seus dereitos coma mulleres e tamén polos dereitos de todas as persoas traballadoras. Perseguiron a igualdade e a xustiza social cunha valentía merecedora de moitos recoñecementos, pero coma adoita suceder coas historias de mulleres, o seu traballo ficou esquecido na trastenda da Historia.