ESPAZOCOOP

Campaña de naming e deseño de imaxe gráfica para representar a fusión da Federación de Empresas Cooperativas – SINERXIA, a Unión de Cooperativas de Traballo Asociado – UGACOTA e a Unión Galega de Cooperativas de Ensino de Traballo Asociado – UCETAG para a constitución dunha nova Unión de Cooperativas Galegas.

O Naming da Unión definiuse a través dunha enquisa aberta a todas as cooperativas que forman parte de SINERXIA, UCETAG e UGACOTA, un proceso participativo no que se someteron cinco nomes a votación e se recolleron as opinións das cooperativas socias.

Os nomes propostos estiveron inspirados nos principios e valores cooperativos:

1. Asociación aberta e non discriminatoria.
2. Autonomía e independencia.
3. Proactividade e participación.
4. Interese pola comunidade, responsabilidade social e sustentabilidade.
5. Solidariedade, cooperación, colaboración, axuda mutua, traballo digno e en equipo, colaboración e intercooperación
6. Empatía coas persoas e entidades usuarias, cercanía e proximidade. 7. Franqueza, honestidade, transparencia e xestión ética.
7. Innovación, mellora continua e excelencia.
8. Autoestima.
9. Formación continua.
10. Igualdade de xénero.
11. Defensa da cultura e da lingua galega.

O nome elixido foi EspazoCoop – Unión de Cooperativas Galegas, como espazo de fusión e integración, aberto ás cooperativas galegas de todos os sectores.