JAZZ DE RÍA

O Festival de Jazz de Ría acontece en distintas localizacións da privilexiada Costa Ártabra e ten como obxectivo achegar o jazz a todos os públicos ao tempo que pon en valor o patrimonio das comarcas que o acollen, conseguindo unha importante colaboración e un necesario diálogo entre estes lugares unidos polo mar. A tradición marítima e industrial, as súas paisaxes naturais e o seu espectacular patrimonio naval, foron fonte de inspiración para crear este festival.

A proposta artística procura un equilibrio entre o jazz galego e os proxectos máis interesantes do jazz estatal, apostando polo intercambio e a colaboración con artistas e festivais doutros lugares. A programación deséñase para as localizacións, polo que a integración no territorio é total. A participación da veciñanza e a recuperación da memoria son tamén parte da filosofía do Jazz de Ría. Todas as actividades son abertas, gratuítas e accesíbeis.

A equipa do Cable Inglés é responsable da planificación e xestión da estratexia de medios desde o inicio deste proxecto exemplar que conseguiu colocar a Costa Ártabra nun lugar destacado no mapa dos festivais de jazz e que foi recoñecido en 2021 co Premio Organistrum Extraordinario nos Premios Martín Códax da Música polas súas boas prácticas en materia laboral, de sostenibilidade e igualdade e a integración no entorno, entre outros aspectos.